【龔成問答信箱】(Q28831-Q28840)
29/11/2022 15:00:11 [華富新聞]
Q28831: 你好龔成老師,本人買入以下股票,全部都蝕緊,我需要止蝕嗎? 還是可以再等一等作長線投資? 希望你能夠指導一下,感謝🙏🏻. 長城汽車 買入$28.6 -2000股 森松國際 買入$11.78-4000股 新綠色能源 買入$5.57-4000股 龍源電力 買入$12.46-1000股 龔成老師︰ 首先你要明白一個概念,我地持有一隻股票與否,關鍵位是企業質素、前景,不要被買入價影響。因為我地買股票就是買企業。 如果企業質素轉差,就要賣出。如果企業某些核心優勢減少左,就有機會減持,因此,我地要分析企業的核心因素,一些長期的賺錢能力,有無改變。 新綠色能源(0956)和龍源電力(0916)都有質素,受惠於碳中和國策,長線發展正面。 不過,新綠色能源(0956)由於都有一定的負債,你投資都可以,分注無問題,但由於這企業規模比較細,加上有行業風險,因此長線唔建議太大注。 長城汽車(2333)業務不過不失,質素都有D,但不算好強,過往的增長力不算好強,長遠業務發展都可以,但未必是潛力型。這股都有長線投資價值。 森松國際(2155)質素中等,佢係中國的壓力設備製造商及綜合壓力設備解決方案供應商,提供傳統壓力設備、模塊化壓力設備及與壓力設備相關的增值服務。 企業增長力不強,過往生意的增長力不明顯,賺派能力不算好強。如果持貨多先減。 整體而言,你持有股票都有長線投資價值,有部份買貴左,所以才會回調較多。這些股票可以守,但除了龍源電力(0916)外,其實3隻長線不要持有太多,咁會較穏當。 另外,組合上唔好得3,4隻股票,長線慢慢加大到10隻左右,要包含不同行業優質股,才算理想。 Q28832: 阿Sir你好我有些疑問,完美依家係潛力股,但係佢派息高度可以變成收息股,咁佢屬於咩類型? 如果同時間兩樣都係,咁其實佢係咪好大投資空間? 頭先呢個股票等如一次過做兩樣嘢 就算唔大升都可慢慢收息 龔成老師︰ 如果你仲有印象會記得我在堂上有講解過這隻股票。 完美醫療(1830)本身有自我成長的能力,它不需要太多的資金就可以自己營運。 所以,管理層可以將大部分的資金派息,回饋股東,它的業務有成長性,同時又派高息。 但因為業務的不確定性,所以完美醫療(1830)仍然屬於一隻潛力股。 有潛力同時又派高息,這是1830的優勢,但同時都要注意風險,不建議大注。 Q28833: 請問成哥收息股會否因股價下跌而減少派息? 龔成老師: 不會,但如果佢業務轉差,就有機會減少派息。 Q28834: 老師,本人一向有投資,但現在成手蟹貨。亦有風險管理, 有百多萬黃金etf。 本人認為現在市況很熊,應該是長線投資入市的機會。想問老師有沒有意見,怎樣運用手中的黃金etf? PS 本人已經有用自己人工月供$40,000股票。 龔成老師: 最重要是建立一個長期的財富組合,做好配置,黃金etf在組合中,可以是其中一部分,但就不用太多,因此,你可以賣出部分,去投資股票,當然,你要明白股票的風險及考慮自己的風險承受能力,港股、美股可並行投資,你可以分注去入貨,至於入咩貨,要睇你的風險承受能力,如果較低風險,可留意房託。 如果中度風險可留意指數基金,美股就VOO。 留意,大市仍波動,要分注,現金不要用得太急。 Q28835: 老師,現在持有約200k 人民幣 應該繼續持有等回升嗎定轉番港幣好? 謝謝 龔成老師: 如果人民幣佔你財富組合的比例不多,可持有先,匯率一般都有週期,現時美國加息令美元強,之後會正常翻D。但如果你持有人民幣佔組合比例太過多,就應該減持部分。 Q28836: 你好,我隻1365停牌,可以點處理 龔成老師︰ 潤東汽車(1365)主要為中國華東地區的汽車經銷集團,主要從事汽車銷售及提供售後服務,包括維修及保養服務、銷售零件、配件等。 近年業務做得較差,生意持續向下,競爭力有所減弱,同時出現虧損。 未見這企業有好大的獨特性及賺錢能力,長遠發展力一般,投資價值不算高。 現時停牌,最初因為佢連2020年年報都未能如期刊登,現時已經向聯交所提出取消上市地位的決定。 但由於現時係停牌中,你無野可以做,只能等。若有機會復牌,建議你最好沽出。 Q28837: 龔Sir,想請問 1. 今次跌市你會選擇邊啲潛力股? 2. 陳茂波話會推動虛擬資產,有無咩相關股票可以建議?1611火幣科技及1263柏能集團可以嗎? 3. 9868小鵬汽車比其他電動車股跌得多嘅原因係咩呢? 龔成老師︰ 1)每個人的情況不同,如果你想尋找一些潛力股,可選安碩恒生科技(3067)、阿里(9988)、騰訊(0700)、舜宇光學(2382)、小米(1810)、中生製藥(1177)、GX中國電車基金(2845)、三星FANG ETF(2814)、安碩納指一百(2834)。如果有投資美股,可投資QQQ。 但佢地波動性和風險會較高,你要自己平衡。 2)虛擬資產只是很初步的階段,無具體政策,又未知整個時間表,故暫時無相關推介的股票。 火幣科技(1611)和栢能集團(1263)都係好高風險,而且最終未必受惠於這個政策。若你為左找政策帶來機會,建議等政策清晰左先。 3)中短期的升跌可以是供求的問題,未必一定與企業業務相關。 小鵬汽車(9868)業務波動,但不是無發展,但由於業務波動,真的小注好了。 佢係中國領先的智能電動汽車公司,以領先的軟件、數據及硬件技術為核心,為自動駕駛、智能互連和核心汽車系統帶來創新。 近年業務增長快,前景都有,但始終都較新興,財務數據一般,所以都會有風險,這股有長線投資的價值,當小注投資都可以的,但預佢股價上落會大少少。 Q28838: 龔成老師你好,最近恆指跌到16xxx, 令我之前入的股票都跌咗近三成,特別係17新世界發展,平均價$30,不知道什麼原因現在跌到18.5,跌咗4成,你認為這股是否仍然值得持有 ?可以重回我的買入價? 另外,最近1038長建,我見佢股價去到$36,大約11年前嘅價,請問是否已經開始便宜,我已經有貨在$50價位(但比重不多)我可以加注?還是將資金擺去388(現在冇貨,只是見 佢股價合理、值博率高左) 本人大約40歲,現在投資組合20%潛力:20%收息:60%平穩增長 謝謝你的寶貴意見,等待你的回覆。 龔成老師︰ 現時香港的股市因爲美國加息,疫情,中美關係等一連串不利因素而變得波動。 現時的投資氣氛都偏向於悲觀,未必一定是企業質素出現問題,但需要投資者耐心持有。 新世界發展(0017)業務本質不差,不過就不是高增長類。可作為收息及基本增長,現價合理。 長建(1038)是不錯的企業,有一定規模,資產亦有一定質素,而且現金充裕,過往的發展亦算理想,開拓新業務亦能平衡當中的風險回報,整體有質素,現時處於合理區的底部,如果想加注的都可以考慮。 港交所(0388)是一隻優質的股票,獨市生意,加上香港的金融中心角色,這企業有長線投資價值,現價合理,如果無貨,都可以小注。 388的質素較1038高,但兩者都可以投資,如果你資金有限,可以選擇0388。 你現時的組合分配合適,可以以這樣的比例維持。 Q28839: 龔SIR您好呀!想請教少少野,我有興趣買入1手港交所(0388)既股票,CHECK既時候突然比我發現佢有美股(HKXCY),我想問下佢地之前有咩分別,同埋如果投資的話,邊1個會較好 架?謝謝你 龔成老師︰ 香港交易所(HKXCY)的買賣是在場外交易(OTC)的,要經過指定代理先交易到,一般投資者想做買賣,係會較麻煩。 其實佢係香港的股票(0388)的美國預託證券,你係香港,買0388就得,係一樣。 Q28840: 老師!領展呢啲收息股近急跌本質是否改變了?本身有少少貨,一直想在$50左右入貨,但見佢越跌越急,美國加息佢係咪仲有排跌呢❓ 咩價錢適宜買入呢 龔成老師︰ 領展(0823)屬於平穩增值股。 有一定規模,坐擁不少優質商場,而餘下仍有一些有條件提升的商場,故仍有一些潛力。 領展今年積極發展海外市場,但美國加息,匯率等因素都令到領展業務較爲波動,暫時未見到有本質上的改變。 你的買入價合理,因此可以守,美國加息會令到全球股市不穩定,對這類物業相關股份,都會較負面,但我相信會有好轉的一日。 現時已經是合理區的底部至小小平,如果想買入,都可以小注,但就一定要留有現金。


免責聲明 | 私隱聲明 | © Copyright, MegaHub Ltd 2010. All rights reserved